Þóra @la

Ógeðsdrykkur í síðustu máltíðinni :)

Wed, 08 Feb 2006 18:23:38 GMT

Eins og glöggir lesendur hafa kannski tekið eftir þá hef ég ekki bloggað í háa herrans tíð. Gildir einu, ég nenni þessu ekki og mér er slétt sama. Ég ætla held ég meira að segja bara að hætta þessu rugli. Þá vitið þið það og þurfið ekki að ómaka ykkur á að kíkja hingað af og til (ef einhver gerir það enn, þ.e.a.s.)

Mig langar að lokum að minnast smávegis á eitt sem er mér hjartans mál svona í kuldanum og kvefinu en það er blessaða horið! Jebbs hor!! Ég er nefnilega ansi klígjugjörn og mér ofbýður allt þetta hor. Ég get ekki annað en tekið undir með Halldóri K. Laxness þegar hann sagði að: „íslendíngar eru náttúraðir fyrir óþverraskap “. Þeir eru það flestir.. allavega námsmenn..

Þegar ég var ung þá var mér bannað að sjúga svona upp í nefið og vandi mig á að snýta mér (þegar ég komst yfir: bora í nefið, stigið) og geri enn (snýti mér). En það gera það sko alls ekki allir. Það er sogið af öllum lífs og sálarkröftum og kokhljóðið/hrotuhljóðið fylgir með og gjarnan heyrir maður slummuna fara aftur í háls. En ekki er öllu lokið þegar hér er komið, ónei. Nú kemur það sem er allra mest krassandi í þessari ógeðssögu. Það er að gleypa horið og láta alla heyra að þú ert virkilega að kyngja því. *ojjj*

Ég gæti komið með ágæta viðlíkingu. Þetta er eins og að snýta sér ekki með neinu bréfi á disk og passa að allt fari vel og vandlega úr nefinu á diskinn. Næst er að sækja sér skeið og éta það. Eða bara sleppa því að sækja sér skeið og sleikja það.. fer betur saman. *ummmumm* Girnilegt ekki satt!?

Annars er nú allt og ekkert að frétta. Ég bið bara kærlega að heilsa, bless bless

Draumfarir

Mon, 12 Dec 2005 11:22:29 GMT

Allt í einu þegar það fer að nálgast prófin þá finnur maður sig einhverra hluta

vegna knúinn til þess að blogga. Já, það er nú kannski bara allt í lagi! Svo lengi sem maður fer ekki að taka til í skúffunum, þvo gardínurnar og pússa silfrið þá er þetta nú ekkert 8|

Annars langaði mig til þess að segja ykkur frá draumi sem mig dreymdi í nótt. Ég veit ekki til þess að ég sé berdreymin en það er samt oft gaman að velta fyrir sér hvað þetta eða hitt merkir skv. draumaráðningabókinni:
Mig dreymdi að ég væri að ganga upp eftir í bókhlöðuna með Hannibal og Eygló, vinum mínum. Þau voru reyndar svolítið langt á undan mér og þegar ég var komin að ljósunum fyrir framan íþróttahúsið að bíða eftir grænum kalli til þess að fara yfir götuna þá áttaði ég mig á að ég hafði týnt hring sem ég var með. (Ég geng aldrei með hring) Þessi hringur var úr gulli með mjög flottum hvítum stein. En ég var búin að vera áhyggjufull alla leiðina yfir því að ég myndi missa hann af því að hendur mínar voru svo sleipar. (Eins og ég væri olíuborin) Svo ég fór aftur til baka og skimaði eftir honum og var enn að leita þegar ég vaknaði.
Draumaráðningabókin segir þetta: Ógiftum er hringur fyrir giftingu og má marka hvernig hjónabandið verður af útliti hringsins og hvernig hann fer á hendi [...] (Hann passaði vel en ég var bara of sleip!!) Gullhringur er fyrir mikilli upphefð. Og gullhringur með eðalsteini er fyrir barneign. [...]

Ég myndi halda að
1. Óli bróðir sé að fara að trúlofa sig? (Sbr. gifting)
2. Mamma sé að fara að gifta sig?
3. Einhver (annar en ég.. Helga? Karen? Vinkonur mínar?) sé ólétt eða verði það í bráð?!

En eins og ég segi þá hef ég aldrei vitað til þess að ég sé berdreymin.. kannski var þetta einn af þessum óskhyggjudraumum sem manni dreymir svo oft. Þá meina ég t.d draumur um það að maður sé að fara í próf daginn eftir og dreymir að maður fái 9 og maður sér einhverjar spurningar.. svo þegar maður vaknar þá passar maður sig að læra þær spurningar eða þið vitið hvað ég meina. Gaman að velta þessu fyrir sér!!

Úbbs, slys?!

Fri, 09 Dec 2005 00:26:27 GMT

Im boored!

Fri, 11 Nov 2005 18:51:13 GMT

Let's set fire on Soapy's penishairs?!

Í dag er kaffið besti vinur minn!!!

Sun, 30 Oct 2005 14:50:08 GMT

Guð hvað ég elska kaffi!! En yfir í annað - Baráttudag kvenna styð ég heilshugar en oft finnst mér svona ganga út í öfgar! Á bloggi vinkonu minnar er að finna lista yfir það sem konur ættu að gera sem er hér neðar. Sjálfsagt er þetta nú allt í góðu gríni en öllu gríni fylgir einhver alvara, eða hvað?!

Jæja konur.. Nú skulum við standa saman......
Ásamt því að sækja um launahækkun eru íslenskar konur hvattar til að:
-Sofa yfir sig.
-Fara í sömu nærföt og í gær.
-Pissa á setuna - og útfyrir, ef tími vinnst til.
-Mála sig ekki - og alls ekki raka.
-Mæta of seint í vinnuna - sparka í stimpilklukkuna.
-Fara strax í kaffi - kvarta yfir því að það sé
a) of kalt
b) of sterkt
c) of svart.
-Prumpa.
-Reyna við undirmennina - eða bara klípa þá í tippið.
-Fara of snemma heim - biðja næturvörðinn að stimpla sig út.
-Flauta á alla karla í umferðinni og senda þeim fingurinn eða ulla.
-Gleyma að sækja börnin á leikskólann.
-Setjast fyrir framan sjónvarpið um leið og komið er heim.
-Fá sér bjór.
-Urra - jafnvel bíta - ef einhver spyr eftir kvöldmat.
-Ropa.
-Sofna yfir Idol.
-Fá sér bjór.
-Leggjast í öllum fötunum í rúmið og helst strá yfir það brauð eða kexmylsnu.
-Sofna áður en makinn nær að bursta tennurnar.
-Hrjóta.

Ég veit ekki með ykkur en ég held ég þekki engan karlmann sem gerir allt þetta!! Ég á t.a.m. nokkuð marga strákavini og af þeim er það aðeins einn sem ég man eftir að pissaði út fyrir setuna!
Ég man ekki eftir að hafa heyrt strák prumpa í návist minni nema kannski bræður mínir!
Ég þekki engan sem hefur gleymt að sækja börnin í leikskólann!
Ég hef aldrei heyrt neinn urra.. eða séð neinn bíta. Nema kannski þegar ég var krakki!
Mér finnst mjög eðlilegt að ropa og yfirleitt heyrir maður líka afsakið eftir á!
Þetta er svona það helsta sem mér dettur í hug!

Nú skulum við snúa okkur að mér:
Ég hef sofið yfir mig!
Ég hef sleppt því að mála mig!
Ég byrja yfirleitt á því að ná mér í kaffi þegar ég mæti í vinnuna!
Ég prumpa og ropa (Gera það ekki allir?)
Ég sest oft fyrir framan sjónvarpið þegar ég kem heim!
Ég fæ mér oft bjór.. enda er hann góður!!
Nú veit ég ekki alveg hvort ég hrýt en ég held ekki af því að ég sef á maganum eða á hliðinni!
Ég hef aldrei klipið neinn í tippið.. svo ég muni! En ég hef aldrei verið klipin í píkuna. Einu sinni var ég reyndar klipin í brjóstið af ógeðslegum manni á djamminu á Flúðum.

Kannski er ég að taka þetta of alvarlega en svona nokkuð fer ofsalega í taugarnar á mér.. eins og þegar stelpur segja oft „allir karlmenn gera hitt eða þetta, eða eru svín..“ Þetta eru yfirlýsingar sem eiga ekki við rök að styðjast!
Jæja þar hafið þið það!! Pistill dagsins!!

Ég mótmæli..

Mon, 17 Oct 2005 11:56:21 GMT

Allt í lagi.. þið megið vera ósammála og endilega komið skoðunum ykkar á framfæri en ég var að hugsa hversu hallærislegt það er að stelpur/konur virðast aldrei geta án karlmanns verið, allavega í kvikmyndum og svoleiðis. Nú er ég búin að vera laus og liðug ansi lengi.. fyrir utan einn kærasta eða svo á nokkrum árum og mér finnst að það sé orðið almennt að finnast fólk sem ekki er í föstu sambandi vera hallærislegt eða eitthvað skrítið jafnvel.

Ég komst að því í síðustu viku að 'kærastinn' minn fyrrverandi var að eignast nýja vinkonu og ég samgleðst honum. Ég er frekar glöð yfir því vegna þess að það þýðir bara að ég er ekkert fyrir hann lengur en samt var þetta ákveðið svona... ekki sjokk, meira bara.. stórar fréttir. Í framhaldi af þessum fréttum fór ég í smá sjálfsskoðun og velti þessu fyrir mér:

Ég trúi því að allir sem lesa þetta og hafi ekki verið í föstu sambandi lengi fá reglulega spurningar á við: „Jæja, hvað er að frétta af karlamálum?“ eða „Ertu ekki komin með neinn gæja?“ eða eitthvað þessu líkt. Yfirleitt koma spurningar eins og „Af hverju ekki?“ eða „Ertu lesbía?“ í framhaldi af hinum tveim. Ég þoli þetta ekki.. mér finnst þetta hallærislegt, ég meina, er ekki allt í lagi að vera einhleyp og finnast það fínt? Mér er spurn?! Kannski er maður einhleypur af því að maður kýs að vera það!

Ég er einhleyp og mér finnst það fínt.. undirstöðuatriðið hér er að maður lætur sig ekki hafa hvað sem er, skiljiði! Í framhaldi af þessu fór ég að hugsa til nýja þáttarins í íslensku sjónvarpi, Bachelorinn. Nú hef ég ekki séð neinn þátt en mér finnst þetta ótrúlegt örþrifaráð hjá þessum greyi stelpum að sækja í svona þátt. Nú er þetta svo lítið land að allir þekkja alla og maður getur ekki falið sig í fjöldanum eins og maður gæti jafnvel gert í Bandaríkjunum. En í alvörunni.. hversu örvæntingafull getur þú verið að þú ferð í þátt með, ég veit ekki hvað mörgum öðrum stelpum, og slæst um þennan eina strák. Fyrir utan það er hann að kyssa allar hinar og kannski meira, hver veit?

Nú hef ég alla tíð verið frekar frjálsleg þegar kemur að strákamálum.. sumir hafa meira að segja kallað mig strákslega af því að ég er engin mús (eða kannski kjéllíng) og mig hefur því sjaldan vantað eitthvað ef þið skiljið hvað ég á við. Ég hef heldur aldrei verið kelin manneskja (yfirleitt best að snúa sér á hina hliðina og sofna) og stundum býður mér við svona mússí, mússí, kyssí, kyssí af því að mér finnst þetta geta verið einum of. En ég hugsa að sama hversu mjög mig langaði að eignast kærasta (sem ég geri ekki) þá held ég að það síðasta sem ég gerði væri að fara í svona þátt. Það er hallærislegt! Að mínu mati að minnsta kosti. Maður veltir því fyrir sér hvort þessar stelpur beri enga virðingu fyrir sér eða hafi ekkert stolt?!

Litla stúlkan með eldspýturnar

Tue, 11 Oct 2005 18:03:18 GMT

Mér leið eins og ég væri litla stúlkan með eldspýturnar í gær þegar ég var að ganga heim frá Þjóðarbókhlöðunni. Það var dimmt og ískalt úti. Ég gekk á gangstéttinni og fann svo lykt af brunnu spreki. Ég leit við og sá þetta fína hús og inni var fullt af kertum og mikið bál í arninum. Ég lét hugann reika og sá fyrir mér þennan stóra kalkún á stofuborðinu og hamingjusama fjölskyldu að snæðingi. (Ég var mjög svöng)

Ísköld fór ég að velta því fyrir mér hvort ég myndi reyna að ylja mér með kveikjaranum mínum utan í húsaskoti og enginn tæki eftir mér eða virti mig viðlits. Síðan kæmi amma með hlýju hendurnar sínar að sækja mig! Þetta var ansi kósý fílingur sem fór um mig þarna, ekki það að ég vilji deyja, heldur það hvað styttist í heimilið mitt og að ég ætti heimili sem ekki þyrfti að fylla í holur með tuskum af því það væri varla fokhelt! Stuttu síðar þegar ég kom heim fór ég í ótrúlega langa og góða sturtu og fór svo að sofa í hlýju sumarsænginni minni.. sumar!!

Yfir í aðra sálma þá er það rétt til getið hjá þér Eygló. Helgi Valur afboðaði sig á Októberfestið en það skipti ekki miklu máli.. það var ofboðslega gaman en ég var komin heim eldsnemma eða eitthvað um 01:00 af því að ég var að fara að læra daginn eftir. Einhverra hluta vegna vaknaði ég eldsnemma þann morgunn og skellti myndinni Cast Away í tækið og fékk mér svo morgunmat litlu síðar. Þegar ég var að borða hafrahringina mína var svo sorglegt atriði í myndinni að mín fór að skæla eins og alltaf þegar eitthvað sorglegt er í sjónvarpinu. Nema í þetta skipti koma ákkúrat vinir mínir Eygló og Hannibal. Þau náttúrulega ganga bara inn eins og sæmir og grípa mig glóðvolga hágrenjandi yfir hafrahringjunum! Haldiði að þetta sé í lagi!!

„Guð hvað er að? Hvað ertu að horfa á, Þóra?“ Ekki „Hvað gerðist, hver dó eða slasaðist?“ Heldur: „Hvað ertu að horfa á?“ Er ég svona gagnsæ?!

:cry: He he.. bæ bæ!

Myndir komnar

Fri, 07 Oct 2005 11:45:12 GMT

Jæja þá eru myndirnar komnar.. hér er ein af mér og Nonna frænda : http://public.fotki.com/AnnaLea2611/haustfer_2005/mmir_174.html

Annars er það nú lítið.. Októberfest í kvöld og Helgi Valur vinur minn frá Skaganum ætlar að kíkja með mér. En þar verða líka krakkarnir úr Íslenskunni.

Góða helgi :)

Blah blah

Tue, 04 Oct 2005 12:32:35 GMT

Það er alltaf svo mikið að gera í skemmtanalífinu að maður er bara hættur að geta lært.. já maður spyr sig.. er þetta eðlilegt??!! Kannski er ráðið að slaka á í skemmtanalífinu?? Nema þá skapast ekki skemmtilegar sögur um vissar uppáferðir (he he.. uppáferðir: hestbak) Svo er ég búin að sjá smá brot af myndunum sem voru teknar í Haustferðinni og þær eru sumar hverjar afskaplega furðulegar.. en þið getið svo sem fylgst með því sjálf ef þið kíkið á vef Mímis hér neðst til vinstri á síðunni.. Ég veit ekki hvort það er búið að setja þær inn en það ætti þá allavega að gerast fljótlega.

Svo er Octoberfest næstu helgi, það er sko nóg að gera, og ég býst við að maður megi nú ekki missa af því. Neeee...!
Yfir í aðra sálma þá fór í með Helga vini mínum í bíó á sunnudagskvöldið. Við sáum The 40 Year Old Virgin sem var með afbrigðum góð mynd. Ég mæli alveg með henni. Við hlógum mikið og skemmtum okkur konunglega :)
Ég var að velta því fyrir mér hvaða mynd væri í eftirlæti hjá mér og þá áttaði ég mig á því að ég á mér enga eina eftirlætis mynd!! Ótrúleg speki.. Á tímabili var matrix í uppáhaldi hjá mér af því að þegar ég sá hana þá var ég ákkúrat að læra sálfræði í framhaldsskóla þar sem var verið að segja frá því að allt sem við sjáum og skynjum er í rauninni rafsegulboð sem send eru til heilans. Mér fannst þetta meika mjög mikið sens og setti það í samhengi við það sem gerist í myndinni og fór þá að velta fyrir mér hvort við værum í raun þrælar undir stjórn vélmenna!

En svo datt þetta upp fyrir sig og upp á síðkastið finnst mér bardagamyndir skemmtilegar.. Myndir eins og Kill Bill og Denny the Dog eða eitthvað svoleiðis. Já það er hægt að velta þessu fyrir sér, en ég nenni því ekki! Eigið þið ykkur uppáhaldsmynd?? Segið frá!! Endilega..

Lifðu í lukku en ekki í krukku!!

Stríður straumur

Thu, 22 Sep 2005 18:10:36 GMT

Eygló spurði mig um daginn af hverju ég sé hætt að blogga og ég sagði henni nú bara eins og er. Ég hef ekkert merkilegt að segja! Mig langar ekki að tala hér um pólitík.. fyrir utan það hef ég yfir sárafáu að kvarta og ekkert spennandi er heldur að gerast! Sem skilur eftir.. ekkert að segja! (Já, einföld sál)

Ég skal samt koma með í klukkleikinn..

1. Á morgnana er hárið á mér eins og á Degi B. Eggertssyni
2. Ég þoli ekki lélega umgengni í húsinu mínu.. brotinn spegillinn í lyftunni um daginn!
3. Ég var kölluð fóa feikirófa þegar ég var krakki
4. Tása nr. 2 (frá hægri til vinstri) við hlið stóru táar er lengri en sú stóra á vinstri fæti.
5. E-ið á handleggnum mínum er vegna brennandi áhuga míns á samanburðarmálfræði!

Svo sé ég að þó ég hafi ekki sagt neitt í háa herrans tíð þá eru greinilega einhverjir sem kíkja hingað á degi hverjum. Gaman að því :)

Gaman í vinnunni!!

Thu, 28 Jul 2005 16:19:25 GMT

Guð af því að ég er svo dugleg að blogga þá ætla ég að segja ykkur frá einni skemmtilegri sögu sem vinkona mín var að segja mér frá í dag.

Hún er rússnesk og mamma hennar á það til að snúa samsettum orðum öfugt.

Svo í gær var þessi vinkona mín að segja við mömmu sína að hún nennti ekki að gera eitthvað og þá sagði frúin þessi fleygu orð: „Vert'ekki svona mikið skítafélag“

Skítafélag.. ég átti í mestu erfiðleikum með að frussa ekki kaffinu yfir allt borð, þegar ég heyrði þetta, vegna hláturs. :haha:

Nína fína!

Fri, 08 Jul 2005 22:39:18 GMT

Jæja.. Írsku dagarnir á Akranesi.. ég náttúrulega hvet alla til að mæta þangað. Ofsaleg stemning og svakalega gaman.

Nína systurdóttir mín frá Þýskalandi er í heimsókn. Hún gistir hjá mér núna í nótt og við förum svo upp á Akranes á morgun og þvælumst eitthvað um þar að skoða og taka þátt í öllu því sem er í boði. Ótrúlega spennandi!! ;)

Annars er það nú bara lítið.. hún perlan er steinsofnuð eftir langan dag í flugi og veseni og ég er bara að tjilla hérna aðeins við tölvuna! Hef ekkert að segja frekar en fyrri daginn en svona er þetta bara! Engar fréttir eru góðar fréttir.. er það ekki það sem er alltaf sagt?!

Segjum það bara

Bankwoman

Thu, 07 Jul 2005 10:37:44 GMT

Sérstök tilfinning heltók mig þegar ég mætti til vinnu í morgun. Ég verð að deila þessu með ykkur það er að segja ef einhver þið eruð til staðar! (Bloggleysi dauðans)

Ég mætti í vinnuna og fékk allt í einu þá tilfinningu að ég væri ofurkona.. þið vitið alveg superman eða the incredibles.. Fyrst stilla inn eyrnatækið.. ná í pappírana og að lokum pennann.. Skrá mig inn og ég get sigrað heiminn. He he

Skemmtileg tilfinning það!

Bestu kveðjur.. ég ætla að sigra heiminn.. Bankakonan!

Dagskrá helgarinnar..

Thu, 23 Jun 2005 12:18:17 GMT

Guð hvað ég er með flott skipulag fyrir helgina.. Í kvöld baka ég horn af því að ég er aðeins að rétta fram hjálparhönd í undirbúningi Eyglóar fyrir afmælið hans Bóasar sem er á sunnudaginn.

Svo á föstudag ætla ég að fara til Erlu í grill og vídjó og við vorum að spá í að taka dirty dancing eða cry baby eða einhverja svona sígilda mynd.. nema Eygló vilji að ég komi og hjálpi henni eitthvað :)

Á laugardaginn er ég að fara að vinna og eftir vinnu er.. held ég ekkert plan.. man þetta ekki! Og á sunnudeginum er svo skírn Maríu Rúnar og afmæli Bóasar Orra.. Krúttíin litlu.. En ég mæti í skírnina eitthvað um hálf fjögur.. svo fer ég í afmælið bara um kvöldið :/ En svona er þetta þegar allir eru að skipuleggja eitthvað sama dag!! ;) Jæja ég bið að heilsa í bili.. það er ekkert nýtt á nálinni.. þannig að ég kveð að sinni.

Ekkert nýtt!

Mon, 20 Jun 2005 10:39:35 GMT

Stelpan bara orðin ótrúlega léleg í þessu bloggi hérna.. hvað á þetta að þýða. Afsakið!

Nú er maður alveg svakalega eftir sig.. þetta var nefnilega svaðaleg djamm helgi. Mjög gaman.. bara verslunarmannahelgarfílingur! Fimmt., föst. og laug. dísus.. stelpan stendur sig í stykkinu! En það er búið að vera mjög gaman

Það gengur líka bara vel í vinnunni og allt að komast í samt lag! Ég farin að vera ansi sjóuð í öllum málunum :D

Betra bak er ennþá að stríða mér með þetta rúmavesen. Ég er komin með nýtt rúm.. man ekki hvort ég var búin að segja ykkur það en heilhveitis rúmgaflinn er ekki enn kominn! Jæja.. se la vi..